தளராதே தளிரே !!!

தளராதே தளிரே!!!

விழி பிதுங்கி நின்று நீயும் 

கலி என்று குறை கூறி 

பழி பல ஏற்று நின்று 

வழி தவறி சென்றதேனோ ?

வேலை தேடி அலைந்த நீயும் 

கிளை தாண்டும் குரங்காக 

வேளை உணவு கிடைக்காமல் 

சிலை போல் அசைவிழந்ததேனோ ?

பயிற்சி பல மேற்கொண்டு 

அயர்ச்சி அடையாத நீ 

முயற்சி சிலவே மேற்கொண்டு 

தளர்ச்சி அடைந்ததேனோ ?

ஞாலம் அது சுற்றுவதைக் கண்டு 

காலம் அது மாறுமென நம்பு 

பாலம் ஒன்று வானிற்குக் கட்டி 

வர்ணஜாலம் பல அமைத்திடு - வெற்றிக்கொடி நாட்டி !